نموونه‌یه‌ک له‌ نامه‌شێعری و ره‌وتی ئه‌ده‌بی نێوان شاعیرانی کوردستانی ئێران که‌ به‌ داخه‌وه‌ له‌م بواره‌دا ، باوی بڕاوه‌و له‌ کۆتایی قۆناخ و دواین شه‌قاوی ده‌ور و دوا هه‌ناسه‌کانی گرییکیدایه‌ . که‌ کاتی خۆی ئه‌نوه‌ر خان سوڵتان په‌نا بۆ شاعیری هاوڕێی مامۆستا "بێزار" ی ناردوه‌و له‌ دوا لاپه‌ڕه‌کانی کتێبی "خه‌ونه‌وه‌نه‌شه‌ییه‌کان"ی بێزار"دا بڵاو بوه‌ ته‌وه‌

 

       (ئه‌وین له ‌" بێزار" نابێزی)    

 

 

ئه‌گه‌ر نازداره‌کــه‌ت ســــــــــــــــازو ته‌با بێ

هه‌موو گێـژاوی عــــــــــاله‌م بایه‌ ، با     بێ

مه‌ڵێن ئه‌گری که‌ ئه‌سرــینی له‌ سه‌ر روون

له‌ رووی دیاره‌ ده‌بێ تیشــــکێ شکـــــابێ

بزه‌ی لێ نابـــــڕێ ئه‌و لێوه‌ جـــــــــــــــارێ

به‌ کوڵمی که‌زیه‌ کاڵێکدا خشــــــــــــــا بێ

به‌ راڕه‌و ، جاڕه‌گـــــــــــــــــوڵ جارێ نه‌یارێ

به‌ چاوی پیســــــــــــــــــــه‌وه‌ پیایا گه‌ڕابێ

ئه‌وه‌ نامـــــــــــــــــــۆی حه‌زه‌و تارای مه‌یله‌

گراوی گه‌رمــــــــــــــــــه‌لانی بێ هه‌را بێ

رمــــــــــــــوودی مه‌ینه‌تی زه‌رده‌ ئه‌وه‌ی وا

گرییکی شاخـــــــــــــــــــه‌وانی پێوه‌ مابێ

له‌ لای مه‌م ئه‌و که‌سه‌ سوڵتـــانی ئه‌شقه‌

به‌ زیی ناحه‌ز له‌ زینـــــــــــــــێ هه‌ڵبڕا بێ

له‌ شه‌نگی ی به‌ژنی کوێستان کوا ده‌تاکێ

ته‌مـــــــــــــــــی خه‌م با له‌ داوێنی درا بێ

له‌ شه‌هـــــــــدی  حه‌ز چلۆن بێزاره‌ "بێزار"

مرووی هه‌نگێـــــــــکی مردووی پێوه‌ مابێ

نه‌ جێگه‌ی تانه‌یه‌ چابوک ســـــــــــــــوارێ

له‌ رێی دڵــــــــــــــــــداری یا جارێ گلابێ

تۆ شه‌یدای ئه‌و کیــــــژه‌ شه‌نگ ونازداره‌ی

نه‌ء ، قه‌ت نابـــێ ئه‌بێ هه‌ر پێت بڕابێ ...