ئه‌م شێعره‌ی به‌ بۆنه‌ی چله‌ی کۆچی دوایی دۆستی دێرینه‌ی خوالێخۆشبوو کاک "سدیق زوهری"یه‌وه‌ داناوه‌:


"به‌سته‌ی خه‌م"


ره‌شه‌بایه‌ک به‌ ناڵه‌ناڵ له‌ خه‌زانا هێنای هه‌واڵ

وا بولبولێ له‌ نه‌وا که‌وت چوه‌ کونجێ بۆ خۆی لێی خه‌وت

کردی له‌ باخ ماڵ ئاوایی خوێندی ئاوازی جودایی

بولبوله‌که‌ی خه‌می وه‌ته‌ن وا به‌ جێی هێشت گوڵ وچه‌مه‌ن

ئه‌یویست دایمه‌ سه‌رسه‌وزبێ باخ رازاوه‌ ببێ و به‌ ده‌ماخ

ماتی گوڵی پێ خۆش نه‌بوو که‌س وا دڵی په‌رۆش نه‌بوو

پاییزهات ودڵی ته‌نگ بوو هه‌ربه‌هاری لاقه‌شه‌نگ بوو

********************************



ساڵان نه‌غمه‌ی له‌ کوردستان شادی ئه‌هێنا‌ بۆ دڵان

قه‌وانه‌که‌ی له‌ پارکی شار خۆشی ئه‌هێنا بۆ غه‌مبار

له‌ رادیۆی سنه‌و کرماشان له‌ ده‌نگی کوردیه‌که‌ی تاران

له‌ گۆرانی داواکراو له‌ سه‌دلاوه‌ لێی ئه‌برا ناو

چڕگه‌ری نه‌غمه‌ی ئه‌و ناوه‌ ئه‌وه‌ی له‌ رابردووماوه‌

هه‌مووی ئه‌خوێندوئه‌یزانی ئه‌یڕازانده‌وه‌ به‌ جوانی

هه‌موو زه‌وقێ پێی رازی بوو بۆ سه‌قز جێی شانازی بوو

************************************





له‌ گه‌ڵ سازدا که‌وتمه‌ وتار ده‌نگ نووساو بوو ومات وخه‌مبار

دیاربوو هه‌واڵی ئه‌زانی به‌سته‌ی خه‌می بۆ من هانی

من گریام وئه‌و ئه‌گریا پێکۆ که‌وتینه‌ سه‌دبریا

بریا له‌ من سه‌دبرایا له‌و نه‌م بیستایه‌ حه‌تتا به‌ خه‌و

خۆزگه‌ وانه‌بو ره‌سمی ژین تێک نا ئه‌چوو زه‌رده‌وکه‌نین

چه‌ن تاڵه‌ کۆچی ناواده‌ زوو بوو نۆشینی ئه‌وباده

وا عازیه‌ت بارن عوود وچه‌نگ سه‌د داخ "زوهری" بوه‌ بێ ده‌نگ‌ .



تاران – 2/8/86
ره‌سووڵ میرزاپوور