له‌ کۆتایی ساڵی 91 بوو که‌ من حه‌سه‌نی شافێعی، له‌گه‌ڵ بنه‌ماڵه‌م دا

گه‌ یشتمه‌ شاری تۆرنتۆی کانادا.

ماوه‌ی چه‌ند حه‌وته‌یه‌ک بوو که‌ له‌وێ ده‌ژیاین. له‌ نهۆمی 15 ی ساختمانێک

دا بووین‌ . 3 دانه‌ فێرگه‌ له‌ ده‌ور و به‌ری ماڵه‌که‌مان دا بوو و هه‌روه‌ها 2

بازاڕۆکه‌ ش بۆ شت و مه‌ک کڕین

له‌ په‌نای یه‌ک له‌م بازاڕۆکانه‌ دا دوکانێکی گه‌وره‌ی لێ بوو به‌ ناوی ڕاجرز.

ئه‌م دوکانه‌ تایبه‌ت بوو به‌ فرۆشتن و به‌ تایبه‌ت به‌ کرێ گرتنی فیلمی

سینه‌مایی و هه‌روه‌ها ڤیدیۆ و به‌شی بابه‌تی منداڵان.

ئێواره‌یه‌ک من و خێزانم له‌و بازاڕۆکه‌ بووین بڕێک که‌ل و په‌ل مان کڕیبوو

هه‌روا سه‌رێکمان دا له‌و دوکانی فیلم و ڤیدیۆش. سه‌یرمان کرد وا خه‌ڵک

له‌وێ ده‌گه‌ڕان و بۆ خۆیان فیلم و شتی وایان هه‌ڵ ده‌گرت و ده‌چوونه‌ به‌ر

مێزی مشته‌ری و له‌وێ پاره‌که‌یان ده‌دا و فیلمه‌کانیان به‌ کرێ وه‌ر ده‌گرت.

ئێمه‌ش چه‌ند دانه‌ فیلم مان هه‌ڵ گرت و کاتێک له‌ ڕیز دا بووین و نۆبه‌مان

هات ، ئه‌و ئافره‌ته‌ که‌ به‌رپرس بوو داوای کارتی ‌ ئه‌ندامه‌تی لێ کردین.

ئێمه‌ش نه‌مان بوو.

داوای ڤیزایان لێ کردین تا بمان که‌ن به‌ ئه‌ندام و ئه‌و سا بتوانین به‌ که‌یفی

خۆمان فیلم کرێ بکه‌ین. منیش گوتم که‌ ڤیزام هه‌یه‌ به‌ڵام له‌ ماڵه‌ ده‌بێ

بچم بی هێنم.

هه‌ڵاتم بۆ ماڵه‌وه‌ و ئه‌و ڤیزایانه‌ که‌ UN واته‌ مافی مرۆڤ له‌ تورکیه‌ پێی

دابووین هه‌ڵم گرت و بردم دیسان تا نۆبه‌مان هات. ئه‌مجار زۆر به‌ تێ ڕادوویی

خستمه‌ سه‌ر مێزه‌که‌ و گوتم : فه‌رموو ئه‌مه‌ش ڤیزا.

کچه‌که‌ زه‌رده‌یه‌ک گرتی به‌ڵام هێشتا هه‌ر به‌ ڕێزه‌وه‌ که‌ من ناڕه‌حه‌ت نه‌بم

گووتی : ئه‌مانه‌ ڤیزای هات و چووه‌ من ڤیزای بانک یان کارتی ئێعتیباریم

پێویسته‌.

مشته‌ری یه‌کانیش له‌و لاوه‌ چاوه‌ڕێ بوون که‌ من خه‌لاسم بێت.

منیش نه‌مده‌زانی که‌ ڤیزا نه‌وعی تریشی هه‌یه‌ ، چون تازه‌ کووره‌ بووم و تازه‌

له‌ تورکیه‌ وه‌ هاتبووم هه‌ر ئه‌و ڤیزام ده‌ناسی.

بۆیه‌ به‌ هێواشی سه‌رم داخست و هاتمه‌ ده‌ره‌وه‌. گه‌ردنی ئه‌وانه‌شم ئازاد

کرد وا پێم پێ که‌نیبوون . به‌ڵام دوا جار بۆم ده‌ر که‌وت که‌ چۆنه‌.

به‌ هه‌ر حاڵ ئه‌مه‌م نووسی بۆ ئه‌وه‌ی ئه‌و خۆشه‌ویستانه‌ وا وه‌ک من لێ یان

قه‌وماوه‌ به‌ هۆی نه‌زانینی زمان ، نه‌ڵێن بۆ چی له‌ سه‌ر خۆی شتی

نه‌نووسیوه‌.