هه‌نگه‌چینه‌

ئاوایی هه‌نگه‌چینه‌ یه‌کێکی دیکه‌ له‌ گونده‌کانی ناوچه‌ی سه‌رشیوی سه‌قزه‌ که‌ له‌ ساڵی 1387 دا له‌ 18 بنه‌ماڵه‌ پێکهاتوه‌ ، قوتابخانه‌ی تازه‌ سازکراوی سه‌ره‌تایی هه‌یه‌ ئاوی لووله‌که‌شی و مخابراتی هه‌یه‌ خانه‌بێهداشتی له‌ گه‌ڵ گوندی دیکه‌دا هه‌یه‌ ، مزگه‌وتی هه‌یه‌ به‌ڵام مامۆستای نیه‌ !! که‌سب وکاری خه‌ڵکه‌که‌ی زۆرتر ئاژه‌ڵداری یه‌ و کۆڵکێشی سه‌رسنووریش ئه‌که‌ن.

ئه‌م گونده‌ له‌ نێوان گونده‌کانی "حاجی عه‌بدول ، مام سێوه‌دین، شیپانه‌جۆ ، وسێفه‌تاڵه‌ هه‌ڵکه‌وتوه‌ .

گه‌لێ ده‌روده‌شت وچیای دڵڕفێنی هه‌یه‌ که‌ به‌شێکیان بریتین له‌ : کانیزان،گویژه‌ڕیخان،کانی قوڕئاویلکه‌،به‌رده‌که‌شکان،قوڵاخیان ... که‌ قوڵاخیان یان قولی خان یان قه‌ڵای خان که‌ ده‌کرێ هه‌رسێ ناوه‌که‌ی ببێت کانگای جۆره‌به‌ردێکه‌ که‌ به‌م زوانه‌ ده‌یانه‌وێ ده‌ری بهێنن و کارخانه‌کانی شوێنه‌کانی دیکه‌ی ئێرانی پێ ده‌وڵه‌مه‌ندبکه‌ن!